Аўтар спецпраектаў

Карнэліуш Консэк

Карнэліуш Консэк
Нарадзіўся ў 1962 годзе ў г. Прушкаў (Польшча).
1981– прыняў манаства ў Ордэне Місіянераў Божага Слова (SVD)
1982-1984 – курс філасофіі ў Вышэйшай Духоўнай Семінарыі ў Нысе (Польшча).
У 1988 скончыў Духоўную семінарыю ў г. Пенежна.
1986-1988 – Студыя паліграфіі ў Варшаве па спецыяльнасці “Тэхнічны рэдактар. Фатограф.”, займаў пасаду намесніка дырэктара друкарні ў Ласкавіцах Паморскіх (Польшча).
1994-1998 працаваў у Рыме (Італія).
З 1998 года – кансультант па пытаннях паліграфіі і дызайна каталіцкага культурна-рэлігійнага часопіса “Дыялог” у Баранавічах (Беларусь).
Яго фотаздымкі дэманстраваліся на шматлікіх выставах у Польшчы, былі ўдзельнікамі фотаконкурсаў “Хлеб Штодзённы”, “Дарогі жыцця”, “Мінулае”, якія таксама праходзілі ў Польшчы. У Рэспубліцы Беларусь чацвёрты год паспяхова праходзіць фотавыстава Карнэліуша Консэка “Пятае Евангелле”,  і трэці год – фотавыстава “Крыніца жыцця і любові – сям’я”.

 “Першы фотаапарат мне падарыў мой бацька. Але ўсур’ёз займацца фатаграфіяй я пачаў толькі ў 1986 годзе. Лічу, што вельмі  часта людзі не заўважаюць тых незвычайных рэчаў і з’яў, якія кожны дзень знаходзяцца з імі побач. Зробіш здымак, дадасі да яго рамку – і ў зусім звыклым і будзённым адкрыецца нешта незвычайнае, шчымліва дарагое, прывабнае, што захацелася б захаваць у сваім сэрцы,у сваёй памяці, на фотаздымку… А гэта – усё наша асяроддзе: прырода, людзі, вынік іх працы і адносінаў да гэтага асяроддзя.

Вельмі люблю рабіць фотаздымкі дзяцей, перадаваць іх незвычайна вялікі свет пачуццяў і хваляванняў.

У астатні час моцна хвалюе тэма інвалідаў, асабліва дзяцей. Яны жывуць з намі побач, яны такія ж, як і іншыя дзеці, – вясёлыя, гарэзлівыя, любяць музыку, спевы, розныя гульні, але атрымаць ад гэтага сапраўдную асалоду ім значна цяжэй, чым дзецям здаровым. Таму ім вельмі патрэбна наша апека і дапамога…

Мусіць, Бог даў мне такі дар, каб у звычайных, на першы погляд, рэчах я заўважаў незвычайнае, прыгажосць. Заўважаю, здымаю, і гэтай Божай ласкай, якая адкрываецца мне, імкнуся падзяліцца з вамі.