Хвала Хрысту!
Кожны раз, калі хочам пачаць працаваць над сабой, чакаем… «панядзелка»; а калі ён прыходзіць, у нас знаходзіцца мільён прычын, каб не пачынаць. Вось настаў Святы Юбілейны год. Можа, гэта той самы час, каб пачаць без адгаворак? Не забывайся пісаць мне на Dialog-na-ty@tut.bу
Мы – запрошаныя!
АКТУАЛЬНО
Вялікая падзея, якая дае ўнікальную магчымасць не толькі пазнаць багатую гісторыю хрысціянства, але і дакрануцца да яе. Чарговы Святы Юбілейны год 2025 з’яўляецца важнай вехай у жыцці католікаў усяго свету.
Peregrinantes in spem – «пілігрымы надзеі» – такі дэвіз Папа Францішак абвясціў, каб адрадзіць пачуццё еднасці хрысціян ва ўсім свеце. «Пілігрымы надзеі» – гэтыя словы добра дапамагаюць зразумець пасланне. Мы быццам запрошаныя быць салідарнымі, запрошаныя быць братамі адзін аднаму і ўсім людзям на зямлі, быць аб’яднанымі верай у Хрыста.
Няхай гэты год стане для цябе годам духоўнага адраджэння, годам асабістай сустрэчы з Хрыстом. Жадаю, каб ты адкрыў у сабе чыстую любоў да Бога, шчодрую любоў да бліжніх.
Юбілейны год – час, які заўсёды асабліва нагадвае пра магчымасць працаваць над сабой, сваім сэрцам. Стаць тым, хто прабачае, шукае прымірэння з Богам і блізкімі. Час вяртання да Бога – крыніцы любові і вечнага жыцця. Час, каб аднавіць сваё жыццё і прынесці сведчанне сваёй веры.
Адзін з важных момантаў Святога Юбілейнага года – магчымасць прайсці праз Святую Браму Базілікі. Гэты сімвал паказвае нам пераход ад граху да ласкі. Цудоўная традыцыя, але напэўна не ва ўсіх ёсць такая магчымасць, таму запрашаю цябе сустрэцца з Госпадам у малітве і пакаянні ў сваім мястэчку – там, дзе ты жывеш, працуеш, вучышся…
Кожны такі год напоўнены не проста традыцыямі, якія нагадваюць нам пра гістарычныя і святыя падзеі, але таксама і традыцыямі, якія натхняюць на шляху да святасці. Мы можам скарыстаць гэты час для таго, каб узмацніць нашу веру, нашу салідарнасць і палепшыць нашу духоўную практыку.
Дзяліцеся святлом сваёй веры, вялікім жаданнем жыць Евангеллем, жаданнем сустрэцца з Госпадам у малітве. Няхай гэты час стане для нас натхненнем і сілай, каб жыць больш дастойным і духоўным жыццём.
А верыць – значыць разбураць сваю ганарыстасць, любіць тых, хто не любіць цябе, не адказваць злом на зло, не асуджаць, не зайздросціць. Верыць – значыць любіць Госпада ўсім сэрцам, душою, моцаю, розумам.
А зараз пытанне: якія планы будуеш сабе на Святы Юбілейны год?
|
ШЧЫРА
Крысціна Багушэвіч (г. Мінск, парафія Св. Францішка): – Маё галоўнае жаданне, каб мая вера ўсё больш станавілася штодзённай. Каб у любым стане, настроі я знаходзіла час на малітву і ў кожны момант магла адчуваць і не забывацца, што Ён – побач. Вялікую ролю ў маім жыцці адыграла супольнасць ФМТау, да якой я належу. Таму хачу, нягледзячы ні на якія абставіны, быць актыўнай і рабіць усё, каб супольнасць развівалася. Хачу знайсці час у сваім жыцці, каб больш пазнаваць Бога, праслаўляць Яго, адкрываць Ягоны план на мяне, несці Любоў і Дабро ў гэты свет. |
|
Індрэ Ашмонтайтэ (г. Мінск, парафія Св. Францішка): – Случаются в жизни события, порой очень горькие, такие, как потеря близкого человека, которые как будто тебя пробуждают, заставляют переосмыслить свою жизнь, подталкивают интерес к духовному развитию. Весь минувший год в моей духовной жизни происходила трансформация, продлится она и в наступившем году. Прошу Бога, чтобы укрепил мою веру, чтобы я смогла больше приблизиться к Нему, уделяя больше времени молитве, адорации Святых Даров, распространению Благой Вести среди моих близких, знакомых, через социальные сети – в том числе. |
|
Дэніс Нвокіке (г. Мінск, парафія Св. Францішка): – В Святой Юбилейный год я ставлю себе несколько задач, над которыми намереваюсь работать особенно усердно, чтобы моя духовная жизнь обновилась. В первую очередь – борьба с обыкновенной ленью, т. к. она порождает, как мне кажется, много пороков в человеке. Ставлю задачу углубиться в Слово Божье, регулярно читать и размышлять над ним. Больше времени посвятить молитве. |
|
Зміцер Іваноўскі (г. Мінск, парафія Св. Францішка): – Якія планы маю на Святы Юбілейны год? На самой справе нічога неверагоднага і надзвычайнага. Духоўна ўзрастаць патрэбна заўсёды, таму зараз праз Эўхарыстыю, рэкалекцыі, размовы, фармацыю ў супольнасці ФМТаў за гэты год планую паглыбіць свае адносіны з Богам. Бо супольнасць – гэта вялікі дар, які дадзены мне Богам і праз які магу дапамагаць духоўна ўзбагачацца іншым. Таксама буду працаваць і маліцца аб распазнанні свайго паклікання. |
