Хвала Хрысту!
Кожны дзень нашага жыцця асаблівы, непаўторны, кожны дзень нясе ў сабе дары. Паразважай, якія гэта дары, і паклапаціся, каб яны прынеслі найбольшы плён для цябе. Пішы мне на: Dialog-na-ty@tut.bу
Бог мае прапанову
АКТУАЛЬНА
Любоў мае свае праявы, і гэта праявы, да якіх не трэба нікога ўгаворваць, прымушаць, прасіць. Чалавек сам разважае, як яшчэ можна праявіць сваю любоў. І гэтыя яго пошукі прыносяць радасць не толькі таму, каго любім, але і нам самім.
Як праяўляем любоў да Бога? Святая Эўхарыстыя. Эўхарыстычная сустрэча з Богам – вялікая праява любові. Гэта асаблівая сустрэча, на якую Ён сам нас запрашае. Запрашае прыняць Святую Камунію, а значыць, таксама і прыступіць да сакрамэнту споведзі. Загадзя паклапаціцца, каб зрабіць рахунак сумлення і ісці на споведзь, каб не было ніводнай святой Імшы без Святой Камуніі. Ці не спазняюся на святую Імшу? Прыходжу загадзя, каб у цішыні і малітве падрыхтавацца да святой Імшы? Застаюся некалькі хвілін пасля Імшы, каб у ціхай малітве падзякаваць за гэты вялікі дар? Праява маёй любові да Езуса, прысутнага ў Эўхарыстыі, акрамя малітвы, святой Імшы і Камуніі, мае шмат іншых праяўленняў, якія могуць здавацца дробязямі, але яны таксама паказваюць веру і любоў да Бога.
Кожную нядзелю мы сям’ёй едзем на святую Імшу, адкладаем ўсе справы, загадзя думаем, як арганізаваць час, каб патрапіць на Імшу. Я люблю Госпада, хачу, каб Ён бачыў нашу сям’ю ў алтара. Для мяне гэта самае любімае месца ва ўсім свеце. Кожны раз пасля святой Імшы прашу ў Бога любові, мудрасці, веры. І мой муж з любоўю дадае: «Божа, дай нам у жыцці сітуацыі, дзе мы можам усяму гэтаму навучыцца». Бог вядзе нас праз выпрабаванні, але і робіць нас мудрэй і мацней. З Ім мы перажываем цяжкасці.
Кожная нядзеля – самы прыгожы дзень! Дзень асаблівы для нашай сям’і. Шчасце, калі можна жыць, не спяшаючыся. Нядзеля – гэта дзень, калі мы з мужам хочам быць для Бога, для сям’і, родных, сяброў, бліжніх. Спыніцца ад мітусні і працы, больш чытаць і разважаць Слова Божае, больш прысвяціць час адзін аднаму і маленькай дачушцы. Але асаблівасць не ў гэтым, што я пералічыла, а ў плёнах, якія дае Госпад. Мы сеем, а ўзрасці дапамагае Ён. Гэта дзень, калі ёсць час яшчэ больш дзяліцца радасцямі, дабраславеннямі, перажываннямі, адкрыццямі. Дзякуючы гэтаму, адносіны становяцца мацнейшымі і больш глыбокімі. Мы лепшыя сябры з мужам, мы ўсё праходзім разам. Вялікае шчасце быць з тым, хто цябе напаўняе. І быць тым, хто напаўняе.
Бог для кожнага з нас мае прапанову, якая зробіць нашае жыццё поўным сэнсу, шчасця і радасці. Ты – Божы сын, ты – Божая дачка, якіх Бог хацеў, жадаў, планаваў. Маладыя і старэнькія, багатыя і бедныя, сумныя і радасныя – усе мы збіраемся каля алтара, каб ведаць – мы ўмілаваныя дзеці Бога.
Пытанне: якая твая самая галоўная падзея ў нядзелю? Што для цябе важна ў нядзелю?
|
ШЧЫРА
Аляксей Заічанка (г. Мінск, парафія Св. Андрэя Апостала і Св.Леапольда Багдана Мандзіча): – Як і для многіх каталікоў, цэнтрам нядзелі з’яўляецца святая Імша, калі мы збіраемся сям’ёй і па магчымасці з сябрамі, каб падзякаваць Богу за ўсё, што маем. Святая Імша для мяне – гэта не проста абавязковы нядзельны рытуал, але час, калі я магу адпачыць і напоўніцца духоўнымі сіламі на новы тыдзень. Пасля Імшы мы разам с маёй жонкай Ружай і нашай дачушкай Рут ідзём да кавярні, але абед загадзя рыхтуем дома. Радуемся, калі атрымоўваецца сабрацца з роднымі або сябрамі, падзяліцца сваімі навінамі, радасцямі і цяжкасцямі, але гэта бывае складана, бо ўсе жывуць у розных месцах. Для мяне кожная нядзеля з’яўляецца асаблівай, але ёсць пэўныя традыцыі, якія не мінаюць, і гэта вельмі добра. |
|
Дзяніс Юцкевіч (г. Астравец, парафія Св. Космы і Дам’яна): – Самае галоўнае ў нядзелю для мяне – гэта выдзяліць час для Бога! Падзякаваць Яму за тыдзень, які прайшоў, перапрасіць за правіны, і, канешне, папрасіць аб патрэбных ласках для бліжніх. Нядзеля – гэта такі дзень, быццам нейкі добры шанец на сустрэчу з Богам. Вядома, мы кожны дзень з Ім можам размаўляць, маліцца, але нядзеля – гэта магчымасць быць з Ім на святой Імшы і не спяшацца кудысьці, а спакойна пабыць з Богам. |
|
Кацярына Собаль (г. Івянец, парафія Св. Міхала Арханёла): – Встреча с Богом в Его доме – самое главное в воскресенье. Возможность отдать Ему свое время, приступить к исповеди, побыть в присутствии Христа, принять Святое Причастие. Безусловно, без отговорок и, не смотря на обстоятельства, в первую очередь – святая Месса, а потом всё остальное, потому, что в этот день это самое важное для меня. Это время тишины и размышлений, время, которое наполняет и даёт силы для предстоящей недели. Это время для духовного и физического отдыха. Поэтому самое главное событие в воскресенье – Святая Месса, которая очищает, наполняет и даёт покой. |
|
Валерыя Амічба (г. Шчучын, парафія Св. Тэрэзы Авільскай): – Кожная нядзеля – для мяне свята. Канешне, галоўная падзея нядзелі – святая Эўхарыстыя. Паводле трэцяй запавядзі – “Дзень святы святкаваць”– я не планую, па магчымасці, ніякай працы і ўсё, што можна перанесці на іншы дзень, пераношу. Турбуюся пра снядак і абед, каб таксама ежа была святочная. Заўсёды ў нядзелю гатую дранікі. Нядзеля – гэта дзень сустрэчы з Езусам, сустрэча не толькі ў касцёле на малітве, а таксама ў спатканні з другой асобай. Спатканне з блізкімі або размова з імі з’яўляюцца для меня жаданымі ў гэты дзень. Нядзеля – найпрыгажэйшы дзень; атрымаўшы благаслаўленне, у даверу распачынаю новы тыдзень. |
