Хвала Хрысту!

Вядучая старонкі – Ружа Міхайлоўская

Паглядзі ўнутр свайго сэрца, цiмаеш ты надзею быць з Езусам пасля смерці? Гэтая надзея – паказчык чысціні твайго сэрца!  «І кожны, хто мае гэтую надзею на Яго, ачышчае сябе, бо Ён чысты» (1 Ян 3,3). Не забывайся пісаць мне на na-ty@list.ru.

Чыстае сэрца

АКТУАЛЬНА

Сучасны свет ахоплены цяжкай хваробай, якую можна назваць”стомленасцю душы”. Праявы гэтай хваробы разнастайныя, але ёсць адзін агульны сімптом, а менавiта, чалавек адчувае сябе няшчасным, ён стаміўся ад жыцця, яму здаецца, што ён пляцецца па мёртвай даліне, не ведаючы, куды і навошта.
Чаму сучасныя людзі няшчасныя? Бо грэх, з якім яны звыкліся і зрадніліся, адабраў у іх самае каштоўнае – чысціню сэрца. Вялiкая радасць i святло ў  чысцiнi. А ў граху, вядома, пустата і смутак.
Як стаць шчаслівым? Як знайсцi сапраўднае, а не iлюзiю шчасця? Як захаваць радасць, якая не падмане, якая застанецца ў сэрцы, нiбы свежы глыток паветра?
Для гэтага трэба змагацца з грахом, як з лютым ворагам, якi знiшчае ўсё. Сэрца кожнага з нас – гэта вялікая таямніца. У сэрцы знаходзiцца ўсё нашае жыццё, усе перажыванні душы. Нічога ў жыцці не праходзіць бясследна, усе пакідае адбiтак у памяці сэрца нябачнымі сімваламi, таму не трэба эксперыментаваць.
Трагедыя ў тым, што мы забылiся пра галоўнае ў духоўным жыцці  – пра  захоўванне сэрца, пра неабходнасць агаро-джваць яго ад граху. ”Больш за ўсё запаветнае захоўвай сэрца тваё, бо ў ім крыніца жыцця” (Прып 4, 23). Захоўвай  сваё сэрца. Пакiнь усё, што табе перашкаджае, каб захаваць чысціню. Сябра, як моцна табе хочацца атрымаць перамогу над грахом? На якія меры ты гатовы пайсці дзеля Езуса ў сваiм сэрцы? Чысціня даступная толькі тым, хто па-сапраўднаму яе прагне.
Запоўнi сваё сэрца чысцінёй. Яно не можа быць пустым. Цемра – гэта адсутнасць святла. Хочаш расстацца з цемрай? Хочаш мець чыстае сэрца? Напаўняйся святлом Божым! Май зносіны з Богам, напаўняй сябе Яго Словам, стасуйся з благаслаўлёнымі людзьмі, рабі іншым дабро. Ты  ўбачыш, як  тваё жыццё будзе мяняцца! I павер, нiводны неверагодны запал, якім бы ён «надзвычайным» ні быў, не варты абмену на чыстае сэрца.
Бог дапамог мне зразумець, што чыстасць сэрца пачынаецца  з… Чысцінi рук – заўсёды быць адкрытым на iншага чалавека.
Чысцінi вушэй – не слухаць узлаванасць, плёткi.    
Чысцінi вачэй – не глядзець з зайздрасцю  і пажадлівасцю.
Чысцінi вуснаў – праслаўляць Бога, не казаць пустых слоў.
Чысцінi цела – захоўваць цнатлiвасць.
Чысцінi думак – вызваліцца ад негатыўных, злых, пахабных думак.
 Чысцінi душы – кантраляваць  свае эмоцыі і душэўныя парывы.

А зараз пытанне: з чаго пачынаецца чыстасць тваёй  душы?

ШЧЫРА    Веранiка Шэлег (г. Мінск, парафiя Божага Цела): – На мой взгляд, путь к чистоте души начинается со способности человека быть уверенным в своих действиях. Ведь когда чувствуешь уверенность в себе и в окружающих, начинаешь по-новому смотреть на мир. В тебе появляется желание радоваться каждому моменту жизни, сердце радостно трепещет, в душе происходят перемены, всё становится на свои места и ты полностью открываешься на действия Духа Святого. Доверившись Богу, ощущаешь чистоту, с которой можно отправляться навстречу новому и неизведанному. Мой вывод таков: чистота души начинается с нашей способности видеть свет и любовь в каждом человеке, а также от умения отдавать любовь, не ожидая ничего взамен.

Iлля Мiрэнкоў (г. Мінск, парафiя св. Сымона і св. Алены): – Чыстасць нашай душы пачынаецца, пэўна, з сумлення. Чалавек, зрабіўшы, напрыклад, штосьці злое іншаму,  цяжка пераносіць гэта ў сваёй душы, душа яго ў гэты момант забруджана, і сам ён нават  спрабуе не думаць пра ўсе гэтыя праблемы. Але я лічу, што, адкідваючы праблемы, ён робіць сабе толькі горш. Чалавек павінен вырашыць праблему і, вядома ж, спакойным спосабам дзеля гэтага душэўнага спакою. А душэўны спакой азначае  веданне таго, што ты ні перад кім ні ў чым  не вінаваты і з’яўляецца Чыстасцю нашай душы. Прырода чалавека простая, бо яна на Боскі вобраз створана. А ў Бога ўсё проста і лёгка, толькі мы глядзім на рэчы часам вельмі складана.

Лiза Грышкевiч (в. Будслаў, парафiя Мацi Божай Будслаўскай): – Чыстасць нашай душы пачынаецца з чыстасцi нашага сэрца. Узгадваюцца запаведзi благаслаўленняў – «Шчаслiвыя чыстыя сэрцам, бо яны Бога ўбачаць». Калi нашае сэрца прагне любовi да Бога, то гэта вядзе нас да святасцi i да чыстасцi нашага сэрца, бо праз бруд мы нiчога не ўбачым, не ўбачым Бога.

Слава Ванковiч (в. Бараўляны, парафiя Мацi Божай Нястомнай Дапамогi): – Пачынаецца з чысціні нашых вачэй. На адны і тыя ж рэчы можна глядзець па-рознаму: з радасцю ці з зайздрасцю, з удзячнасцю ці са скаргай, з захапленнем ці з пажадлівасцю і гэтак далей. Менавіта ад чысціні нашага позірку залежыць нашае ўспрыманне свету і чысціня нашых думак. Калі мы з любоўю глядзім на свет і на іншага чалавека, у нас не ўзнікае жадання, каб яму пашкодзіць. Мы павінны ва ўсім стварэнні бачыць Бога і памятаць пра Яго бязмежную любоў да нас, і тады будзе менш спакус, каб чыніць зло.

Артыкулы, блiзкiя па сэнсу: